#Давхар_зовхины_мэс_заслын_дараах_арчилгаа -ны талаар нэгэн нийтлэл бичье.
Заримдаа өвчтөнүүд мэс заслын дараа гэртээ харих үед нь тайлбарлаж өгдөг ч мэс заслын дараах шууд үе учраас харьсныхаа дараа ихэнхийг нь мартчихдаг бололтой тул эдгээр мэдээллийг нэгтгэн хүргэхээр шийдлээ.
Ерөнхийдөө #нүдний_мэс_засал (#дээд_зовхи, #доод_зовхи, #давхар_зовхины_мэс_засал, #дотор_өнцөг_нээх, #гадна_өнцөг_нээх гэх мэт) хийлгэсний дараах анхаарах зүйлсийг нэгтгэн бичье.
Эмнэлэг болон хариуцсан эмч бүрийн арчилгааны арга барил өөр байж болох тул миний бичсэн зүйл бүгд туйлын үнэн биш гэдгийг ойлгохыг хүсье. Харин миний бие мэс засал хийсэн тохиолдолд дараах байдлаар арчлахыг зөвлөдөг.
1. Хүсээгүй хэсэгт наалдац үүсэхээс сэргийлэх
Манай эмнэлгийн хувьд мэс заслын дараагаас нүдээ том нээх дасгал их хийхийг зөвлөдөг.
Ялангуяа #давхар_зовхины_давтан_мэс_засал -ын хувьд шөнө орой болтол унтахгүй байх, оройтож кино үзэх зэргийг зөвлөдөг.
Учир нь өмнөх сорвижилт ихтэй байсан тохиолдолд дахин наалдац үүсвэл давхар зовхины шугам хүсээгүй хэсгээр нугарах эрсдэлтэй байдаг. Мөн нүдний булчингийн үйл ажиллагааг сайжруулах (нүдний хэлбэр засах) мэс засал хийлгэсэн үед тухайн зассан хэсэгт наалдац үүсвэл нүдийг томруулсан ч дахин жижигрэх магадлалтай байдаг.
Ингэснээр зөвхөн нэг тал нь тэгш бус хэмтэй болох зэрэг асуудал үүсэж болно.
2. Жин тавих
Үнэхээр жин тавих шаардлагатай юу?
Өвдөлт мэдрэгдэх үед бага зэрэг жин тавих нь сайн боловч, жин их тавьснаар хаван хурдан бууна гэж би хувьдаа боддоггүй.
Харин ч нүдээ аньсан байдалтай жингийн уут тавих нь илүү сөрөг нөлөөтэй гэж үздэг. Дээр тайлбарласанчлан нүдээ нээж, аних дасгал хийх нь илүү тустай.
Мөн жин тавих үед мөсөн уутнаас хайлж урссан ус шарханд орвол үрэвсэл үүсгэх эрсдэлтэй тул зөвхөн өвдөлт мэдрэгдэх үед л хааяа нэг жин тавихыг зөвлөж байна.
3. Тав (цусны нөж)
Нүдэн дээр цусны нөж тогтож, тав үүссэн тохиолдолд түүнийг сайн цэвэрлэж авах хэрэгтэй.
Би мэс засал хийсний дараа нүдэн дээр тусгайлан марль (самбай) наадаггүй.
Учир нь энэ нь нүдээ нээхэд саад болдог гэж үздэг. - Энэ бол миний хувийн үзэл бодол юм.
Мэс заслын дараахан шархны хэсэгт цусны тав тогтсон байх болно.
Үүнийг хөвөнтэй модонд бага зэрэг тос түрхэж, зөөлрүүлбэл амархан унадаг.
Эсвэл цэвэр марль (самбай) зэргийг физиологийн уусмалд норгоод зөөлөн арчиж авна.
Цусны нөж ихээр тогтвол мэс заслын дараа гоо зүйн хувьд үзэмжгүй харагдахаас гадна, сорви цэвэрхэн эдгэрэхэд ч саад учруулж болзошгүй.
Цусны нөж ихээр тогтсон тохиолдолд тос ахиухан түрхээд 2 цаг орчим байлгавал нөж зөөлөрдөг. Үүний дараа хөвөнтэй модоор зөөлөн арчвал унана. Ингэж цэвэрлэснийхээ дараа шархандаа дахин тосоо сайн түрхэж өгнө.
Гэхдээ тосыг хэт их түрхвэл тос өөрөө хатуурч, илүү сөрөг нөлөөтэй байдгийг анхаарна уу.