Нүдний мэс заслын дараах анхаарах зүйлс
1. Нүдний мэс заслын дараа оёдлын завсраар бага зэрэг цус гарч байдаг. Энэ нь түгээмэл тохиолддог зүйл тул самбайгаар аажимхан арчиж байвал хожим тэр хэсэгт нимгэн хаг тогтож, цус гарах нь зогсоно.
2. Мэс заслын маргааш өдөр нь ихэвчлэн хаг тогтдог бөгөөд түүнийг хэвээр нь орхилгүй, эмчийн бичиж өгсөн тосон түрхлэгээ түрхэж байгаад зөөлхөн арчина. Хэрэв цус гарвал бага зэрэг арчихад зогсоно.
3. Дараа нь дахин хаг тогтвол, мөн адил тосон түрхлэг түрхэж байгаад авч хаяна. Ингэж шархны хэсгийг цусан хаггүй байлгавал шарх эдгэрэх нь хурдан, сорви ч бага үлддэг.
4. Тосон түрхлэгийг өдөрт 3 орчим удаа түрхэнэ. Оёдол авах хүртэл шархны хэсгийг бага зэрэг тослог (нүүр нь тослог хүн шиг) байдалтай байлгахад хангалттай бөгөөд оёдол авсны дараа түрхэхгүй.
5. Оёдол авсны дараа ч тосон түрхлэгийг удаан хугацаагаар үргэлжлүүлэн түрхвэл заримдаа арьсны үрэвсэл үүсэх тохиолдол байдаг тул түрхэхгүй байна уу.
6. Сорви арилгах тосон түрхлэг худалдан авч түрхэх бол оёдол авснаас хойш хамгийн багадаа 1 долоо хоногийн дараа түрхэнэ үү. Хэрэв түрхэхэд хорсож, гашилгаж байвал түрхэх цаг нь болоогүй гэсэн үг тул оёдол авснаас хойш 1 сарын дараа түрхэнэ үү.
7. Яаралтай тохиолдол: Нүдний мэс заслын дараа яаралтай тохиолдол бараг гардаггүй ч, ялангуяа доод зовхины гоо сайхны мэс заслын дараа цус нь тогтоогдсон хялгасан судас янз бүрийн шалтгаанаар (ханиалгах, толгойгоо доош унжуулах зэрэг үйлдлээс) хагарвал шархны хэсэгт цус гарч хавдах тохиолдол байдаг. Ийм үед ихэвчлэн зөвхөн нэг тал нь хүчтэй хавдаж (боксчин цохиулаад нүд нь хавдсан мэт), нүд нээгдэхгүй хэмжээнд хүрдэг бөгөөд эмнэлэгт ирж цусан бүлэнг авахуулах шаардлагатай. Маш хүнд тохиолдол биш бол үүссэний маргааш өдөр нь эмнэлэгт ирж авахуулж болно. Хариуцсан менежерт утсаар холбогдоно уу.
8. Мэс заслын дараа, тэр дундаа оёдол авсны дараа ч нүүр угаахдаа болгоомжтой байх хэрэгтэй бөгөөд нүүр угаахдаа хэт хүчтэй үрж угаавал шарх задрах магадлалтай тул мэс заслаас хойш 3 долоо хоног хүртэл болгоомжлох нь зүйтэй. Зөвхөн усаар зөөлөн угаахыг зөвлөж байна.
9. Усан бассейн, сауна зэрэг арьсыг усанд удаан норгож зөөлрүүлэх үйлдлийг 3 долоо хоногийн дараа хийх нь зүйтэй.
10. Оёдол авсны дараа шархны хэсгээс бусад хэсэгт будалт хийж болох ч, нүдний будалтыг оёдол авснаас хойш 1~2 долоо хоногийн дараа хийхийг зөвлөж байна. Гоо сайхны нунтаг (пудр) шарханд орвол шархад сайнгүй.
11. Заримдаа оёдлыг авсан ч оёдлын утасны үлдэгдэл гарч ирэх тохиолдол байдаг. Энэ нь эмнэлгийн зориулалтаар үйлдвэрлэсэн утас учраас том асуудал үүсгэхгүй ч, илэрсэн тохиолдолд эмнэлэгт ирвэл бид авч өгнө. Заримдаа хагийг үүнтэй андуурах тохиолдол ч байдаг. Давхар зовхийг бэхэлсэн утас гарч ирэх тохиолдол ч байдаг бөгөөд 1 сарын дараа ийм зүйл гарвал уг утсыг авсан ч давхар зовхи задрахгүй.